Министр елдегі интернет сапасын қалай жақсартатынын айтты
Поддержать

Министр елдегі интернет сапасын қалай жақсартатынын айтты

Цифрлық даму, инновациялар және аэроғарыш өнеркәсібі министрі Бағдат Мусин Digit EL ұлттық жобасын таныстырды.

Бұл туралы exclusive.kz хабарлайды.

— Мемлекеттік бағдарламаның соңына дейін біз 100% жоғары сапалы интернетке қол жеткізуіміз керек. Қалада 10 Мбит/с, ауылда 5 Мбит/с. Біз сапа параметрлерін орнаттық, бұрын мұндай болмаған. Мысалы, халықтың 99 пайызы 3G немесе 4G желісімен қамтылғанын айттық. Бірақ ешқашан сапа параметрлері жарияланған жоқ. Біз талдауды бастағанда, 3G белгісінің бар-жоғына емес, интернет бар ма, жоқ па деген мәселеге назар аудардық, – деді министр.

Ол Қазақстанда 617 ауыл бар екенін, ауылдық жерде интернетке қосылу қиын екенін айтты. Мусин екі компаниямен келіссөз жүргізіліп жатқанын жеткізді. Олардың бірі SpaceX. Сондай-ақ, елдегі интернет сапасын қалай жақсартатынын айтты.

— Қазақстан территориясы көп жағдайда ауыл шаруашылығына пайдаланылады. Премьер-министрмен бірге ауылшаруашылық фермаларын аралағанымызда барлығында бір сұрақ болды – инфрақұрылымды қамтамасыз ету және қандай қосымшалар мен технологияларды қолдану. Бірақ қазір инфрақұрылымды дамытпай, технологияларға көшуді талап ету дұрыс емес. Сондықтан біз еліміздің ауылдық аумақтарының 15,7 пайызын сапалы интернетпен қамтамасыз етеміз, – деп түсіндірді Бағдат Мусин.

27 қазанда Қазақстан президенті Қасым-Жомарт Тоқаев елдегі интернет пен байланыс сапасына көңілі толмайтынын білдірді. Осыған байланысты ол үкіметке әкімшілік құрамды заңнамалық тұрғыдан реттеуді және мұндай заңбұзушылықтар үшін жазалауды тапсырды.




Комментариев пока нет

Добавить комментарий

Ваш адрес email не будет опубликован.