Варшавада Украина үшін қаражат жинау жөніндегі донорлар конференциясында бейне байланыс арқылы сөйлеген Владимир Зеленский елді қалпына келтіру жоспары бойынша жұмыс туралы хабарлады.

Украина президенті Владимир Зеленский елді қалпына келтірудің ауқымды жоспарының маңыздылығын атап өтті, хабарлайды Exclusive.kz.

Ол үшін «Маршаллдың тарихи жоспарының заманауи аналогы болатын Украина үшін стратегиялық Халықаралық қолдау жоспары» қажет (Екінші дүниежүзілік соғыстан кейін Еуропаға көмек көрсеткен американдық бағдарлама).

— Бұл ақша ғана емес – бұл технологиялар, мамандар, мүмкіндіктер. Олар қауіпсіз өмірге оралу үшін және әлеуметтік даму үшін қажет, — деді Владимир Зеленский.

Зеленский Украинаға көмектесетін елдерге олардың толық қалпына келуін қамтамасыз ету үшін жекелеген аймақтарды, қалалар мен салаларды қамқорлыққа алуды ұсынды. Украина президенті Украинаны соғыстың аяқталуын күтпей-ақ Еуропалық Одаққа қабылдаудың жеделдетілген рәсімін өткізуге шақырды.

Фото ашық деректерден

• 63
• 88