ЭКСПО көрмесінің павильондарын тапсыру басталды
Поддержать

ЭКСПО көрмесінің павильондарын тапсыру басталды

Бүгін «Астана ЭКСПО-2017» ұлттық компаниясының Басқарма төрағасы Ахметжан Есімов халықаралық қатысушы: Қытай, Франция, Алмания, Мажарстан мен Түркия мемлекеттеріне алғашқы павильондарды тапсырды.

«Бүгін біздер және біздің ұлттық компания үшін атаулы күн – құрлыстың маңызды бес нысаны аяқталды. Ол – халықаралық павильондар, 1374 пәтері бар ЭКСПО-қалашық, ЭКСПО-кеңсе, ішкі істер бөлімінің ғимараты мен Энергия зерттеу орталығы. Барлығының аумағын қосқанда 482 мың шаршы метр аяқталды», — деді А.Есімов павильондарды салтанатты түрде табыстау барысында.

«Бүгінгі күннің тағы бір айрықшалығы сол, бүгін контенттің толтырылу кезеңінің басталатындығын білдіруі.

Көрме ашылуына 222 күн бұрын біз павильондар мен тұрғын үйлерді тапсыру ісін бастадық. Меніңше, бұл уақыт павильондардың ішін сапалы түрде толтыруға жеткілікті. Қарым-қатынасты мейлінше қамтамасыз ету үшін арнайы техникалық бюро ашылды, сондай-ақ, Аккредитациялық орталық өз жұмысын бастады» , — деді өз сөзінде ұлттық компанияның Басқарма төрағасы.

«Өздеріңіз көріп отырғандай, — деп жалғастыра, — біз жан-жақты қолдау көрсетуге дайынбыз: көрме қатысушыларына көмек, ол заңнамалық, басқа да ұйымдастырушылық мәселелер болса да, дайынбыз».

Сонымен қатар, А.Есімов ЭКСПО жобасы дағдарыс кезеңінде жүзеге асырылып жатқандығын атап өтті. Алайда, Елбасы қолдауы арқасында бұл, шын мәнінде, нағыз дағдарысқа қарсы жобалардың қатарынан табылды. Көрме нысандарының құрылысы мен дайындығы барысында Қазақстанның шамамен барлық өңірлерінен 300-ден астам отандық кәсіпорындар тартылды. Сол арқылы жоба 50 мыңға жуық жұмыс орнын сақтап қалуға әрі жаңа жұмыс орындарының ашылуына мүмкіндік берді. Мына құрылыс алаңының өзіне 14 мың адам жұмыспен қамтамасыз етілді» — деді ол.

Сондай-ақ, нысандардың қүрылысы барысында жергілікті компаниялар 492 млрд теңге көлеміндегі қаражатқа қызмет көрсетіп, жұмыс істелінді.

«Жұмыс кестеге сай жүргізіліп жатыр. Көрменің басқа нысандары бойынша, айталық – бұл ұлттық павильон «Сфера», конгресс-холл және қонақ үй. Келесі жылы қоғамдық орындарды ұйымдастырып, аумақты көркейтетін боламыз», — деді Басқарма Төрағасы.

Сонымен қатар, іс-шара Франция мен Қытай халықаралық делегация мүшелеріне пәтерлерді салтанатты түрде тапсыру рәсімімен жалғасты.

Франция ауданы 1069,1 шаршы метр павильонға ие болып, оны «Жасыл» өсім бағытындағы энергетикалық бұрылыс» деп атады. Жасыл энергетика саласындағы өз әзірлемелерін бұл ел үш шағын тақырыпшаларда ашып көрсететін болады: болашақ қаласы, жаңартылатын энергия және экологиялық көлік түрлері.

Қытай ауданы 100 шаршы метр павильонды алды. Оның ерекшелігі — «Жасыл» Жібек жолы» болашақ энергиясының арман театры болмақ. Онда ҚХР-ның Жібек жолы бойындағы, сол сияқты әлемнің барлық елдерімен энергетикалық ынтымақтастыққа қатысты жаңа ойы көрсетіледі.

Венгрия павильонының ауданы 411,9 шаршы метрді құрайды. Павильонның «Болашақ энергиясы бізді біріктіреді» тақырыбы елдегі қолжетімді энергия көздерінің географиялық, экономикалық ерекшеліктеріне негізделеді. Павильон жел, су және жел елі болып табылатын Венгрияның сипатын айрықшаландыра отырып, электр және қала жобалау облысындағы жаңа қондырғылармен таныстырады.

Германия павильонының ауданы 1249,5 шаршы метр құрайтын болады. Ол – «Энергияға апарар жолда» деп аталатын болады. Ал, Түркия 959 шаршы метр павильонға ие болды.

Естеріңізге сала кетелік, халықаралық мамандандырылған көрме Астана қаласында 2017 жылғы 10 маусымнан 10 қыркүйекке дейін өтеді, көрме өтуі барысында оған 5 миллионға тарта адам келеді деп күтілуде.


«Астана ЭКСПО-2017» ҰК» АҚ ЭКСПО-2017 халықаралық мамандандырылған көрмесіне дайындық және оны өткізу мақсатында 2013 жылғы 15 қаңтарда құрылған. Көрме 2017 жылғы 10 маусымнан бастап 10 қыркүйекті қоса алған аралықта Астана қаласында өткізіледі. Көрмеге 100 елден кем дегенде 10 халықаралық ұйымдар, 10 жетекші инновациялық технологиялар компаниялар қатысады деп жоспарланып отыр.

Жалпы алғанда, ЭКСПО-2017 халықаралық мамандандырылған көрмесін тамашалауға шамамен 2 миллионнан астам адам келеді және 5 миллион келуші болады деп күтілуде.

Қосымша ақпарат үшін «Астана ЭКСПО-2017» ҰК» АҚ Қоғаммен байаныс департаментіне хабарласыңыз: тел.: +7(7172) 938765, e-mail: pr@expo2017astana.com, www.expo2017astana.com




Комментариев пока нет

Добавить комментарий

Ваш адрес email не будет опубликован.